Author: admin

ក្រុមហ៊ុនភ្នំពេញមេឌីយ៉ា (PPML) ប្រារព្ធពីធីអបអរខួប២៨ឆ្នាំ បន្ទាប់ពីឈរជើងក្នុងវិស័យផ្សព្វផ្សាយពាណិជ្ជកម្មតាំងពីឆ្នាំ១៩៩៤ ក្រុមហ៊ុនភ្នំពេញមេឌីយ៉ា ហៅកាត់ថា PPML បានប្រារព្ធពិធីអបអរខួប២៨ឆ្នាំរបស់ខ្លួន ជាមួយនឹងការបង្ហាញពីសក្តានុពលសេដ្ឋកិច្ចរបស់កម្ពុជាលើវិស័យផ្សព្វផ្សាយ ដែលជាស្នូលក្នុងការទាក់ទាញអ្នកវិនិយោគថ្នាក់ជាតិនិងអន្តរជាតិមកវិនិយោគក្នុងប្រទេសកម្ពុជា ដែលជាផ្នែកមួយសំខាន់ក្នុងការអភិវឌ្ឍប្រទេសជាតិ។ 28th គួរបញ្ជាក់ថា ក្រុមហ៊ុន PPML ជាក្រុមហ៊ុនផ្ដល់សេវាកម្មផ្សព្វផ្សាយពាណិជ្ជកម្ម Out-Of-Home (OOH) ឈានមុខគេបង្អស់នៅប្រទេសកម្ពុជា ដែលបានបង្កើតឡើងតាំងពីឆ្នាំ១៩៩៤ ដោយលោក ឌុក ឌៀន Founder/CEO។ កម្មវិធីត្រូវបានប្រព្រឹត្តឡើងយ៉ាងឱឡារឹកនៅសណ្ឋាគារ Rosewood Phnom Penh នាថ្ងៃទី២៨ ខែកក្កដា ឆ្នាំ២០២២ ដោយមានការចូលរួមពីសំណាក់ភ្ញៀវកិត្តិយសនៃថ្នាក់ដឹកនាំជាន់ខ្ពស់ ជាមួយកិត្តិយសយ៉ាងឧត្តុង្គឧត្តមនៃការស្តេចយាងចូលរួមរបស់សម្តេចព្រះរាជបុត្រី ព្រះអនុជ នរោត្តម អរុណរស្មី ក៏ដូចជាការចូលរួមយ៉ាងកុះករពីបណ្តាសំណាក់ក្រុមហ៊ុនក្នុងស្រុកនិងអន្តរជាតិ ក៏ដូចជាសហគ្រាសធំៗទូទាំងប្រទេសកម្ពុជា ដែលជាដៃគូសហការរបស់ក្រុមហ៊ុន PPML ដោយមានដូចជាក្រុមហ៊ុនអចលនទ្រព្យ ក្រុមហ៊ុនអាហារនិងភេសជ្ជៈ ក្រុមហ៊ុនដឹកជញ្ជូន ក្រុមហ៊ុនបរិក្ខារនិងសំណង់ ក្រុមហ៊ុនរថយន្ត ធនាគារ ក្រុមហ៊ុនធានារ៉ាប់រ៉ង ក្រុមហ៊ុនផ្គត់ផ្គង់សេវាកម្មសាធារណការនានា និងបណ្តាក្រុមហ៊ុន MEDIA និង Agency ជាច្រើនទៀតផងដែរ។ 28th ការប្រារព្ធពិធីអបអរខួប២៨ឆ្នាំរបស់ក្រុមហ៊ុន [...]